ННПЦ КП

     2021 жылдың 22 ақпан – 04 наурыз аралығында «Арнайы және инклюзивті білім беруді дамытудың ұлттық-ғылыми  практикалық  орталығы» РММ-де мектепке дейінгі білім беру ұйымдарының логопедтеріне арналған  «Сөйлеу тілі жалпы дамымаған мектепке дейінгі жастағы балалармен логопедиялық жұмысының мазмұны» атты біліктілікті арттыру курсы өтеді. 

 

Курстың мақсаты: 

1) арнайы мектепке дейінгі білім беру ұйымдарында логопедиялық жұмысын ұйымдастыруда жалпы сөйлеу қабілеті дамымаған мектепке дейінгі және мектеп жасындағы балалармен жұмыс жасайтын логопедтердің кәсіби құзіреттілігін арттыру;

2) арнайы мектепке дейінгі білім беру ұйымдарының логопедтерінің мектепке дейінгі мекемеде логопедиялық жұмысын ұйымдастыру және мазмұны туралы түсінігін кеңейту;

3) логопедиялық жұмысында әр түрлі бұзылыстардың алдын алу және жою бойынша заманауи компьютерлік технологияларды қолдану мүмкіндіктерін көрсету;

 

Курс соңында тындаушылар:

1) сөйлеу қабілеті бұзылған балаларға түзету көмек көрсетуді жақсарту тәсілдерін және әдістерін  түсінеді және қолданады;

2) кәсіби серіктестіктерді құру, сөйлеу қабілеті бұзылған балаға көмек көрсететін мамандармен және ата-аналармен бірлесіп жұмыс істеу дағдыларына ие болады.

Сабақтар қазақ тілінде онлайн режимінде жүргізіледі. 

Іс-шараның координаторы: «Арнайы білім беру жүйесінің психологиялық-педагогикалық кадрлардың біліктілігін көтеру» 222 Бағдарламасы.