ННПЦ КП

     «Түзеу  педагогикасының  ұлттық-ғылыми  практикалық  орталығы» ММ 2020 жылдың 05-14 қазан аралығында өтетін іс-шаралар туралы хабарлайды. 

2020 жылдың 05-14 қазан аралығында Түзеу  педагогикасының  ұлттық-ғылыми практикалық орталығында мектепке дейінгі арнайы және жалпы білім беру ұйымдардың логопедтеріне арналған «Сөйлеу тілінде бұзылыстары бар ерте және мектепке дейінгі жастағы балаларды психологиялық-педагогикалық қолдау» атты біліктілікті арттыру курсы өтеді. 

Курстың мақсаты: мектепке дейінгі арнайы және жалпы білім беру ұйымдары логопедтерінің тілдік онтогенез заңдылықтарын ескере отырып, сөйлеу бұзылыстарын диагностикалау және логопедтік-түзету жұмысын жоспарлау мәселері бойынша кәсіби құзыреттіліктерін дамыту. 

Міндеттері: 

1) тыңдаушылардың «онтолингвистика» ұғымы мен психолингвистика саласындағы заманауи зерттеулер туралы түсініктерін кеңейту;  ана тілінің тілдік онтогенезі проблемаларына заманауи тәсілдерді қарастыру;

2) тілдік бұзылымдарды жеңу бойынша түзету жұмыстарының логопедттік практикадағы тиімді әдістерімен, ойын технологиялары тәсілдерімен және де артикуляциялық гимнастиканың дәстүрлі емес тәсілдерімен таныстыру;

3) баланың логопедпен бірлескен іс-әрекетке ынталандыру дайындығы туралы және мектепке дейінгі жастағы баланың түзету процесінің толыққанды қатысушы ретіндегі белсенді ұстанымын одан әрі қалыптастыру туралы ұғымдарды кеңейту; 

4) ойын әдістерін қолдана отырып, топтық (жекелік) түзету сабағының технологиялық картасын дайындауға қойылатын талаптармен таныстыру;  

5)логопедтің және денсаулық сақтау технологияларын енгізу мамандарының тілдік бұзылымдары бар балалармен  жұмыстарындағы өзара іс-әрекеттерінің ерекшеліктерімен таныстыру; мектепке дейінгі жастағы балалармен тілдік бұзылымдарын түзету бойынша логопедтік жұмыста ақпараттық-коммуникациялық технологияларын қолданудың заманауи мүмкіндіктерін талқылау.

Сабақтар қазақ тілінде онлайн режимінде жүргізіледі. 

Өту орны:  ММ «ТП ҰҒПО» Алматы қаласы.

Іс-шараның координаторы: Бағдарлама-222 «Арнайы білім беру жүйесінің психологиялық-педагогикалық кадрлардың біліктілігін көтеру».